چاوگی پاركەكانی هەولێر “نەمامگەی نموونەیی”

وەزارەتی شارەوانی و گەشتوگوزاری هەرێم، ئەم وێنانەی بڵاوکردووەتەوە و نوسیویەتی، “ئێرە چاوگی پارکەکانی هەولێرە، نەمامگەی نمونەیی”.

ئەم نەمامگەیە، تەنیا لە ساڵی پاردا 75 هەزار دار و 100 هەزار گوڵی بەرهەم هیناوە و لە پارك و باخچە و ناوەندی شەقامە گەورەكاندا چێندراون و پایتەختی كوردستانیان پێ ڕازێندراوەتەوە.

پێشبینی دەكرێت بۆ ئەمساڵ، بەرهەمەكەی زیاتر بێت، چونكە تەنیا لە ماوەی مانگ و نیوێكی ئەمساڵدا، 31 هەزار دار و 75 هەزار گوڵی بەرهەم هێناوە، وەک وەزارەتەکە ئاشکرای کردووە.

کۆی هەموو نەمامگەکانی هەولێر، لە ساڵی پاردا 100 هەزار دار و 250 هەزار گوڵیان بەرهەم هێناوە.