کۆرۆنا کاریگەری لەسەر فرۆشی کۆندۆم هەبووە

گەورەترین کۆمپانیای بەرهەمهێنی کۆندۆم، ئاشکرای کردووە، فرۆشی کۆندۆمەکانیان بە ڕێژەی 40% کەمی کردووە.

کۆرۆنا تەنها کاریگەری لەسەر پێداویستییە سەرەکییەکان نەبووە، بەڵکو کاریگەری لەسەر فرۆشی پێداویستییە سێکسێکانیش هەبووە وەک، گەورەترین کۆمپانیای ئەو بوارە ئاشکرای کردووە.

کۆمپانیای karex Berhadی مالیزی کە گەورەترین بەرهەمهێن و فرۆشیاری کۆندۆمە لە جیهاندا و ساڵانە 5 ملیار و 500 ملیۆن کۆندۆم دەفرۆشێت، دەڵێت، خواست لەسەر بەرهەمەکانیان کەمی کردووە.

کۆمپانیا مالیزییەکە ئەوەشی خستووەتەڕوو، لە دوو ساڵی ڕابردوودا بەهۆی کۆرۆناوە، فرۆشی کۆندۆمەکانیان 40% کەمی کردووە.

گوا میا کیەت، بەڕێوەبەری جێبەجێکاری کۆمپانیای کارێکس، ڕایگەیاندووە، کۆرۆنا کاریگەری لەسەر پیشەسازیی سێکسی هەبووە، بەهۆی کەرەنتین و داخستنی ئۆتێل ومۆتێلەکان.

کۆمپانیا مالیزییەکە بە ناچاری، دەستی کردووە بە بەرهەمهێنانی دەستکێشی پزیشکی و بابەتە پزیشکییەکانی دیکە، بۆ ئەوەی قەرەبووی ئەو زیانانە بکاتەوە بەهۆی دابەزینی فرۆشی کۆندۆم پێیقن گەیشتووە.