ئێران.. ئامادەکاری بۆ دروستکردنى 4 ملیۆن یەکەى نیشتەجێبوون دەکرێت
لە سەدان شار زەوى ئامادەکراوە
لە 800 شارى ئێران زەوى ئامادەکراوە بۆ ئەوەى بە هاوڵاتییان بدرێت، بە مەبەستى دروستکردنى یەکەى نیشتەجێبوون.
ڕۆستەم قاسمى، وەزیرى ڕێگاوبان و شارسازیی ئێران ڕایگەیاندووە، لە 800 شارى ئێران زەوى ئامادە کراوە بۆ ئەوەى بدرێت بە هاوڵاتییان بۆ ئەوەى 4 ملیۆن یەکەى نیشتەجێبوون دروست بکرێن.
وەزیرەکەى ئێران ئاماژەى بەوەشکردووە، “بۆ دروستکردنى ئەو یەکانەى نیشتەجێبوون، بیرمان لەوەکردووەتەوە قەرزێکى 400 ملیۆن تمەنى بدەین بە دانیشتوانى شارەکان و 250 ملیۆن تمەنیش بە گوندنشینەکان”.
قاسمى ئەوەشى خستوەتەڕوو، داوایانکردووە، بانکى خانوبەرەى ئێران لە شارەکان، هاوکاری و ئاسانکاری بۆ هاوڵاتییان بکەن.
